Tiranë: 4000 njerëz në koncert për lumin e fundit të paprekur në Evropë

Tiranë, 19 Tetor, 2017. Mbrëmë në sheshin Skënderbej u organizua një koncert i veçantë nën sloganin ‘’Mos ma Prek Vjosën’’. Artistë të mirënjohur Shqiptarë dhe të huaj kënduan për mbrojtjen e Lumit Vjosa dhe kundër projekteve për ndërtimin e digave mbi këtë lum përpara një publiku të gjerë.

Vjosa në Jug të Shqipërise është lumi i fundit i madh i paprekur në Europë. Gjithsesi, planet për ndërtimin e disa hidroçentraleve mbi këtë lumë e kanë vendosur këtë thesar Europian në rrezik. Në vend të ndërtimit të hidroçentraleve, mjedisorët dhe komunitetet lokale kërkojnë shpalljen e të parit Park Kombëtar të një Lumi të Egër, si edhe zhvillimin e energjisë diellore në vend si një burim alterativ për prodhimin e energjisë.

Eda Zari dhe Edina Duni (c) Moris Rama

Eda Zari dhe Edina Duni (c) Moris Rama

Me anë të koncertit në Tiranë, artistët i dhanë zë përpjekjeve për ruajtjen e Vjosës. Koncerti ishte iniciative e Eda Zarit, ambasadore e kulturës shqiptare dhe këngëtare e mirënjohur në Gjermani, si dhe Elina Duni, këngëtare e spikatur jazz-i e cila jeton në Zvicër.

 

Publiku (c) Adrian Guri

Publiku (c) Adrian Guri

“Vjosa nuk është vetëm një burim jete për vendin tonë, por ajo ka gjithashtu një vlerë emocionale për shqipëtarët. Vjosa konsiderohet një trashëgimni kulturore. Shumë vajza shqiptare quhen Vjosa, një emër i përdorur për bukurinë dhe ndjeshmërinë. Me këtë konceret ne ngremë zërin tonë kundër shkatërrimit të këtij xhevahiri ekologjik dhe kulturor”, thotë Eda Zari.

“Nësë shkatërrojmë Vjosën, mrekullia e fundit blu e Evropës humbet! Të gjithë ata që e ndiejnë veten të lidhur me mëmëdheun dhe që duan që brezat e ardhshëm kanë të drejtën e një natyre të pashkatërruar duhet të tregojnë solidaritet. Koncerti është vetëm fillimi. Ne do të vazhdojmë betejën tonë për mbrojtjen e lumit Vjosa” thotë Elina Duni

Finalja e madhe (c) Moris Rama

Finalja e madhe (c) Moris Rama

 “Ne jemi shumë të lumtur që artistët po na përkrahin. Gjithnjë e më shumë njerëz po përkrahin kauzën për ruajtjen e Vjosës. Ne do bëjmë gjithëçka është mundur për ta shpallur Vjosen park kombetar dhe për të parandaluar ndërtimin e digave mbi këtë lumë’’ thotë Olsi Nika, kordinator i fushatës ‘’Të shpëtojmë zemrën blu të Evropes’’ nga EcoAlbania.

 

Informacion shtese:

  • Vjosa është lumi i fundit i madh i paprekur në Europe, jashtë Rusisë. Përgjatë shtrirjes prej 270km, nga Malet e Pindit deri në detin Adriatik, ajo rrjedh totalisht e paprekur permes kanioneve te mrekullueshem.

  • Mbrojtja e Vjosës është një nga qëllimet kryesore të fushatës ‘’ Të shpëtojmë Zemrën Blu të Europës’ , që ka për synim mbrotjën e lumenjve më të çmuar në Ballkan. Fushata kordinohet nga organizatat Riverwatch dhe Euronatur, në bashkepunim me EcoAlbania në Shqipëri dhe organizata partnere në Ballkan.